აზერბაიჯანში საბრძოლო მასალების საწყობში აფეთქება მოხდა

ძლიერი ხანძარი გაჩნდა.

2 სექტემბრის ღამეს დასავლეთ აზერბაიჯანში, გორანბოის რაიონში, ნიზამის დასახლების მახლობლად მდებარე საბრძოლო მასალების საწყობში აფეთქება მოხდა. ინციდენტს დიდი ხანძარი მოჰყვა, რომელსაც აფეთქებების სერია ახლდა, რის გამოც ახლომდებარე დასახლებების მცხოვრებლების ევაკუაცია გახდა საჭირო. ამის შესახებ სააგენტო ARA იუწყება.ARA.

აზერბაიჯანის საგანგებო სიტუაციების, თავდაცვისა და შინაგან საქმეთა სამინისტროების ერთობლივი განცხადების თანახმად, აფეთქების ადგილზე ხანძარი გაჩნდა, თუმცა ადგილობრივი მცხოვრებლები არ დაშავებულან. უსაფრთხოების მიზნით, შემთხვევის ადგილის მიმდებარე ტერიტორიებიდან დაახლოებით 5 000 ადამიანი ევაკუირდა.

მოგვიანებით გორანბოის რაიონის აღმასრულებელი ხელისუფლების პირველი მოადგილის, სეიმურ ნაზაროვი, განცხადებით, აფეთქებას მეზობელ სოფლებში საცხოვრებელი სახლები არ დაუზიანებია — ინციდენტის შედეგად საცხოვრებელი ტერიტორიების დაზიანების შესახებ ინფორმაცია არ დადასტურებულა.