პოლტავის ოლქში ვიტაუტასის ვერცხლის დენარი აღმოაჩინეს
ასევე, სამკაული, რომელიც იდენტურია ლიტვის დიდი სამთავროს ადრექრისტიანული სამარხებიდან აღმოჩენილი ნივთებისა.
უკრაინაში, ჰლინსკის არქეოლოგიურ კომპლექსში, გათხრებისას მკვლევრებმა აღმოაჩინეს დიდი მთავრის, ვიტაუტასის, დენარი და ქალთა სამკაული, რომელიც იდენტურია კერნავესა და ვილნიუსის ადრექრისტიანული სამარხებიდან აღმოჩენილი ნივთებისა, იუწყება გამოცემა „ოსთანნი ბასტიონი“.
ვორსკლის მდინარეზე მდებარე ჰლინსკის კომპლექსში კვლევის მეთექვსმეტე სეზონის მთავარი აღმოჩენა 13 მილიმეტრი დიამეტრის ვერცხლის მონეტა გახდა. ერთ მხარეს მოჭრილია კოლუმნები (ვიტაუტასის პირადი ნიშანი), ხოლო მეორე მხარეს — შუბისპირი ჯვრით.
არტეფაქტი წინასწარ იდენტიფიცირებულია როგორც ვიტაუტასის გვიანი დენარი, რომლის გამოშვებასაც ნუმიზმატები დაახლოებით 1411–1430 წლებით ათარიღებენ.
როგორც ნუმიზმატმა ვასილი ზაიცევმა თავის კვლევაში აღნიშნა, ლიტვის დიდი სამთავროს ასეთი მონეტების მოჭრას მის აღმოსავლეთ საზღვრებზე პროკლამაციური დანიშნულება ჰქონდა: ცენტრალური ხელისუფლება მათ იყენებდა არა მხოლოდ ვაჭრობისთვის, არამედ სასაზღვრო რეგიონებში საკუთარი პოლიტიკური გავლენის საჩვენებლად.
კომენტარის დამატება