მეცნიერებმა შაბათ-კვირას გამოძინების სარგებელი განმარტეს

ახალმა კვლევამ თავისი შედეგებით მკვლევრები გააოცა.

მეცნიერებმა გააანალიზეს თითქმის 41 000 ზრდასრული ადამიანის მონაცემები, რომლებიც 2016-დან 2023 წლამდე პერიოდს მოიცავდა, — იტყობინება Prevention. მკვლევრებმა მონაწილეების ძილის ხანგრძლივობა სამუშაო და არასამუშაო დღეებში შეადარეს, შემდეგ კი ეს მაჩვენებლები არტერიული წნევის მომატების შემთხვევებს დაუკავშირეს.

კვლევის ავტორის, კორეის უნივერსიტეტის მედიცინის კოლეჯის წარმომადგენელ ნავონ ლის თქმით, შაბათ-კვირას დაახლოებით 1 საათითა და 26 წუთით მეტი ძილი ჰიპერტენზიის დაახლოებით 9%-ით ნაკლებ ალბათობას უკავშირდებოდა.

ეს კავშირი განსაკუთრებით მკაფიო იყო იმ მონაწილეებს შორის, რომლებიც უმოძრაო ცხოვრების წესს მისდევდნენ.